Kuri ubu, amakipe 3 ariyo Mercedes AMG Petronas F1 Team, HAAS na Racing Bulls, amaze gushyira ku mugaragaro ibimenyetso byashyizwe ku modoka zayo(Livery), bizaba bigaragara mu Irushanwa rya Japanese Grand Prix 2026  rizabera mu muhanda w’amasiganwa witwa ‘Suzuka’.

Imodoka ya Mercedes, izaba ifite igishushanyo cy’Ikirura (wolf) ku ibaba ry’imbere. Ubu butumwa bwiswe “unleashing the beast”. Uko andi makipe araba agaragara:

Ikipe ya Racing Bulls na Haas zabanjirije Mercedes mu kwerekana uko zizaba zigaragara:

• Haas – izaba iri mu migaragarire yiswe Godzilla, hagendewe ahanini ku bufatanya bw'iyi kipe n'inzu ikora Film yitwa 'Toho'.
• Racing Bulls – mu migaragarire yiswe “Spring Edition”. Ni no m'uburyo bwo kwamamaza ikinyobwa cya RedBull cyitwa “Spring Edition”.

Izi livery zose zifitanye isano n’umuco w’u Buyapani, ndetse n’ubufatanye bwihariye hagati y’amakipe n’ibigo by’imyidagaduro cyangwa ibicuruzwa.

Mercedes iri mu bihe byiza muri uyu mwaka wa 2026

Iyi kipe izwi nka Silver Arrows iri gutangira neza shampiyona ya 2026, aho imaze gutsinda amasiganwa abiri ya mbere.

• George Russell yatsinze Australia GP
• Kimi Antonelli yatsinze China GP

Ibi biratuma Mercedes ijya i Suzuka ifite intego yo kuzuza insinzi eshatu zikurikiranya.

Amakuru y’ingenzi kuri Japanese GP 2026

Irushanwa rya Japan GP ni isiganwa rya gatatu muri shampiyona ya 2026, rikaba riteganyijwe hagati ya tariki 27 na 29 Werurwe 2026, rikabera mu muhanda w'amasiganwa 'Suzuka International Racing Course'.

• Ni bwo bwa mbere muri shampiyona ya 2026 hagaragazwa 'livery'
• Suzuka ni imwe mu mihanda ikomeye kandi ikundwa n’abafana

Uko urutonde rwa Shampiyona ruhagaze kugeza ubu

Nyuma y’amasiganwa abiri ya mbere, Mercedes iri imbere mu byiciro byose:

• Abakinnyi: 1-Russell (Amanota 51), 2-Antonelli (Amanota 47), 3-Leclerc (Amanota 34)
• Amakipe: 1-Mercedes (Amanota 98), 2-Ferrari ikaba inyuma ho amanota 31

“Japanese Grand Prix si isiganwa gusa, ni n’umwanya wo kugaragaza umuco, ikoranabuhanga n’udushya twa Formula 1.”

— F1 paddock insight

Icyo bisobanuye ku rugamba rwa 2026

Ni byo, Livery zidasanzwe zongera uburyohe bw’isiganwa, ariko amakipe yibanda kugushaka amanota ya championship.

Ku kipe nka Mercedes, gukomeza gutsinda byongera intera hagati yayo n’abandi, mu gihe andi makipe nka Ferrari, Red Bull na McLaren agomba kongera imbaraga hakiri kare.