Amagambo y’ikoranabuhanga 1,648 mashya mu Kinyarwanda - Inteko y’umuco yamuritse inkoranyamagambo.
Nibyo
UmwanditsiKu itariki ya 27 Werurwe 2026, inteko y’umuco(RCHA) yamuritse inkoranyamagambo/inkoranyamuga yari imaze imyaka 3(kuva muri 2023) itegurwa. Ni inkoranyamagambo y’amapaji 274 irimo Amagambo 1,648 agiye kujya akoreshwa ku bijyanye n’ikoranabuhanga.
Iyi nkoranyamagambo yabaye isohotse m’uburyo bucapye, ariko ku bufatanye na Minisireti y’Ikoranabuhanga na Inovasiyo(MINICT), izashyirwa mu buryo koranabuhanga, ku buryo buri wese uyishaka azaba abasha kuyibona kuri murandasi(Internet).
Igiye gushyirwa mu buryo bw’ikoranabuhanga ku buryo n’umuntu ufite igitekerezo ashobora kugitanga kugira ngo kinozwe.
Rurangwa Eraste, Umunyamabanga Uhoraho muri MINICT
Ibice byibanzweho muri aya magambo mashya
- Itangazabumenyi koranabuhanga(ICT)
- Ikoranabuhanga rya mudasobwa(Computer)
- Ikoranabuhanga rya murandasi(Internet)
- Ubwenge buhangano(Artifitial Interigent)
- Urusobe ntangazamakuru(Multimedia)
- Ikoranabuhanga ngaragazabimenyetso
- Ikoranabuhanga ndangamuntu
- Ikoranabuhanga ry’imari(Fintech)
Amwe mu magambo mashya
- Imbeba -'Mouse/Souris'
- Mwandikisho -'Keyboard/Clavier'
- Indangamudasobwa -'Computer/Ordinateur'
- Inkoreshakure -'Remote control/Télécommande'
- Ihuriro -'Hub'
- Ikirango -'Tag'
Ubushakashatsi bwatugaragarije ko imwe mu mpamvu Abanyarwanda badakoresha neza Ikinyarwanda bavanga indimi, ari uko babura amagambo yabugenewe cyane cyane mu magambo ajyanye n’iterambere harimo n’ikoranabuhanga.
Amb. Robert Masozera, Umuyobozi mukuru w'Inteko y'umuco
Imiterere y’ikintu
Urugero, mu miterere, Imbeba(Mouse/Souris) ijya gusa n'imbeba(inyamaswa)
Imirimo gikora
Urugero, Izina ry'Inkoreshakure (Remote control/Télécommande) ryumvikanamo imikorere isanzwe yayo .
Iyo ucura ijambo ureba imiterere y’ikintu kivugwa, ahantu gikunda gukoreshwa cyangwa ikintu bijya gusa; noneho iryo jambo ukarishaka mu rurimi rwawe ukarizana akaba ari ryo ushyira hariya.
Habumuremyi Emmanuel, Umunyamabanga Nshingwabikorwa w’Ishyirahamwe ry’Abanyamakuru mu Rwanda (ARJ) Yagize uruhare mu gucura aya magambo mashya
Iyi nkuru uyumvise ute?
Shema
March 30, 2026Ni byiza kuba amagambo yabonetse. Igisigaye n'ukuyamenyereza abantu no kubashishikariza kuyakoresha